Վթար Թամանցիների փողոցում. վարորդի վիճակը ծանր է. լուսանկար

ԵՐԵՎԱՆ, 24 մարտի — Sputnik. Մեր տեղեկություններով քիչ առաջ խոշոր վթար է տեղի ունեցել Երևանի Թամանցիների փողոցում:

Մետրոյի Գործարանային կայարանի հարևանությամբ Ֆոլքսվագեն մակնիշի ավտոմեքենան դուրս է եկել ճանապարհից ու բախվել հաստաբուն ծառին։

Քաղաքացիների օգնությամբ 27-ամյա վարորդը դուրս է բերվել մեքենայից ու տեղափոխվել Էրեբունի բժշկական կենտրոն։

Մեր տեղեկություններով՝ վարորդի վիճակը ծանր է. բժիշկները պայքարում են նրա կյանքի համար։

Տեղում աշխատում են հրշեջ-փրկարարներն ու ճանապարհային ոստիկանները։