Ո՞ւմ թույլտվությամբ է Սերժ Սարգսյանի եղբայրը մեկնել Հայաստանից. պարզաբանում է Վանեցյանը

ԵՐԵՎԱՆ, 22 մարտի — Sputnik. ՀՀ երրորդ նախագահ Սերժ Սարգսյանի եղբայրը` Ալեքսանդր Սարգսյանը, Հայաստանից մեկնել է քննչական մարմնի թույլտվությամբ։ Այս մասին այսօր ԱԺ–ում լրագրողներին ասաց ԱԱԾ տնօրեն Արթուր Վանեցյանը։

«Այո, ՀՀ տարածքը լքել է մեր գիտությամբ և ստորագրություն է տվել, որ առաջին իսկ պահանջի դեպքում կժամանի Հայաստան։ Այս պահին նման պահանջ չկա, բայց քննչական բաժինը մշտապես գտնվում են կապի մեջ փաստաբանների հետ։ Հենց որ նման անհրաժեշտություն լինի, կդիմեն, և խնդիր չի լինի»,– ասաց Վանեցյանը։

Լրատվամիջոցներում տարածված տեղեկության համաձայն` Ալեքսանդր Սարգսյանը մեկնել է Իսպանիա։

Հիշեցնենք` նա մեղադրվում է առանձնապես խոշոր չափերի խարդախության մեջ։

Ինչպես ավելի վաղ Sputnik Արմենիայինհայտնել էին ՀՀ ազգային անվտանգության ծառայությունից, քրեական գործով մեղադրյալ Ալեքսանդր Սարգսյանն իր կամքով 9 506 000 000 ՀՀ դրամին համարժեք 19 600 000 ԱՄՆ դոլար է նվիրաբերել Արցախի Հանրապետության պաշտպանության բանակին։