«Ծառայության ժամկետների փոփոխությունն ունի թե՛ հասարակական, թե՛ քաղաքական ենթատեքստ։ Դա որոշ իմաստով պայմանավորված է հանրության շրջանում առկա լարվածությամբ` կապված առաջնագծում պարբերաբար կրկնվող գործողությունների հետ»,-Sputnik Արմենիայի հետ զրույցում կարծիք է հայտնել ռազմական փորձագետ Դավիթ Հարությունովը։
Նրա խոսքով` քաղաքական բաղադրիչն էլ առնչվում է խորհրդարանական ընդդիմության բարձրացրած այն հարցին, որ առաջնագծում մարտական հերթապահություն իրականացնեն պայմանագրային զինծառայողները։
«Առաջնագծում պայմանագրային զինծառայողներ պահելը լուրջ ֆինանսական խնդիրներ է առաջացնում»,-փաստում է փորձագետը։
Այդուհանդերձ, ըստ Հարությունովի, վերջին տարիների փորձը ցույց է տալիս, որ մարտական գործողությունների հիմնական ծանրությունը ընկնում է առաջնագծում գտնվող ստորաբաժանումների վրա։