ԵՐԵՎԱՆ, 22 մարտի — Sputnik. Մեր տեղեկություններով մարտի 21-ին Կոտայքի մարզում 68-ամյա տղամարդ է ինքնասպան եղել:
Միայնակ ապրող թոշակառուի դին հայտնաբերվել է Քանաքեռավան գյուղի նրա տանը:
Տղամարդու ձեռքերից մեկի դաստակին կտրվածքներ են եղել, որոնք, ամենայն հավանականությամբ, պատճառվել են ածելիով:
Նրան այդ վիճակում գտած ազգականները տանը երկտող են հայտնաբերել:
Ամենայն հավանականությամբ ինքնասպան եղած տղամարդը գրել է, որ ինքը չի ցանկանում ապրել, ներողություն է խնդրել արարքի համար՝ հայտնելով, որ բոլորին շատ է սիրում:
Ըստ որոշ տեղեկությունների՝ թոշակառուն առողջության հետ կապված խնդիրներ է ունեցել: