ԵՐԵՎԱՆ, 21 մարտի – Sputnik. Չինաստանի հարավում գտնվող Յանչենգ քաղաքի քիմիական գործարանում այսօր պայթյուն է որոտացել։ Ըստ նախնական տեղեկությունների` պայթյունի հետևանքով մահացել են 6 մարդ, ևս 30–ը վնասվածքներ են ստացել։ Այս մասին հայտնում է Սինհուա գործակալությունը։
Պայթյունը որոտացել է պեստիցիդներ արտադրող գործարանում բռնկած հրդեհից հետո։ Պայթյունից հետո բանվորները սկսել են վազել տարածքից, 31 մարդ կարողացել են փրկվել։
Փրկարարական գործողությանը մասնակցել են 86 հրշեջ մեքենա։ Արտակարգ իրավիճակի պատճառը պարզվում է։