ԵՐԵՎԱՆ, 19 մարտ — Sputnik. Պարզվել է Երևանի կենտրոնում ժամեր առաջ սպանված երիտասարդի ինքնությունը։ Նա 29- ամյա Համբարձում Եզեկյանն էր, որը բնակվում էր Երևանում, բայց Շիրակի մարզի Նահապետավան գյուղից էր։
Sputnik Արմենիան ավելի վաղ տեղեկացրել էր, որ այսօր՝ մարտի 19-ի երեկոյան կրծքավանդակի հատվածում վնասվածք ստացած մի երիտասարդի Տիգրան Մեծ-Խանջյան խաչմերուկի մոտ գտնվող «Քուին բուրգեր» սրճարանի դիմացից տեղափոխել էին թիվ 1 համալսարանական հիվանդանոց։
Իրավապահները դեպքի վայրում հայտնաբերել էին արյան հետքեր ու դանակ։
Ըստ շրջանառվող տեղեկությունների՝ վեճը ծագել է հանկարծակի։ Երիտասարդները փողոցում անցորդների ներկայությամբ վիճել են, քաշքշել իրար, որի ժամանակ էլ նրանցից մեկը դանակահարել է մյուսին ու փախել։ Այս պահին դեպքի վայրում աշխատում են ոստիկաններ, փորձաքրեագետներ ու քննիչներ։