Երևանյան լճի մոտ տեղի ունեցած վթարի մանրամասները. տուժածներն ուղևորներ են. լուսանկարներ

ԵՐԵՎԱՆ, 16 մարտի — Sputnik. Բեռնատարն ու թիվ 42 երթուղին սպասարկող «Գազելը» բախվել են Բագրատունյաց պողոտայում` Երևանյան լճի կամրջի վրա։ «Գազելը» բախվել է ճանապարհի աջ մասում կայանված «Զիլ» մակնիշի խոշոր բեռնատարին։

Երթուղայինի վարորդը չի տուժել։ «Աստղիկ» և «Սուրբ Աստվածամայր» բժշկական կենտրոններ են տեղափոխվել երթուղային միկրոավտոբուսի երեք ուղևորներ։

Sputnik Արմենիայի տեղեկություններով, տուժածների թվում երեխաներ չկան։ Տեղում ստուգվել է «Գազելի» վարորդի սթափության աստիճանը. տղամարդն ալկոհոլ օգտագործած չի եղել։

Ոստիկանության հասարակայնության հետ կապի և լրատվության վարչությունից տեղեկացանք, որ «Գազելը» տեղափոխվել է ճանապարհային ոստիկանության հատուկ պահպանվող տարածք։