ԵՐԵՎԱՆ, 16 մարտի — Sputnik. Երգչուհի Յուլյա Նաչալովայի ոտքը վիրահատել են։ Այս մասին հայտնում են ռուսական ԶԼՄ-ները։ Երգչուհին դեռևս կոմայի մեջ է։
Star Hit-ի տվյալներով՝ վիրահատությունից հետո Նաչալովայի մոտ արյունահոսություն է սկսվել, իսկ հիմա հնարավոր փտախտի պատճառով նրան կարող է անդամահատում սպառնալ։
«Նա ուշքի չի գալիս, քնի վիճակում է, որից առայժմ նրան չեն հանում։ Յուլյայի մոտ ծնողներն են լինում, ուրիշ ոչ մեկին չեն թողնում», - լրագրողներին են ասել բժիշկները։
ԶԼՄ-ների տվյալներով՝ այլ վիրահատական միջամտություններ չեն նախատեսվում, քանի որ բարդությունների վտանգ կա, մասնավորապես, նրա մոտ կարող է առաջանալ թոքերի այտուց։ Երգչուհու ծնողները և նրա ներկայացուցիչն առայժմ չեն մեկնաբանել Յուլյայի առողջական վիճակը։
Երգչուհին հայտնվել է հիվանդանոցում մարտի 8-ին թարախային բորբոքման կասկածով, նա վնասել էր ոտքը։ Հիվանդանոցում նրա վիճակը կտրուկ վատացել է։
Երգչուհուն միացրել են թոքերի արհեստական շնչառության սարքին, և այժմ նա արհեստական կոմայի մեջ է։