ԵՐԵՎԱՆ, 13 մարտի — Sputnik. RT հեռուստաալիքի գլխավոր խմբագիր Մարգարիտա Սիմոնյանը մեկնաբանել է ԱՄՆ պետքարտուղար Մայք Պոմպեոյի խոսքերը, որը մեղադրել է Ռուսաստանին նրանում, որ այն RT–ն և Sputnik գործակալությունն օգտագործում է Վենեսուելայում իրավիճակի վրա ազդելու համար։
«Նա ասել է դա այն բանից հետո, երբ New York Times–ը գրել է, որ մարդասիրական օգնությունով բեռնատարներն այրում է ոչ թե Մադուրոն, այլ այն ընդդիմությունը, որին աջակցում են ԱՄՆ իշխանությունները։ Այն, ինչի մասին մեր RT–ն և Sputnik–ը վաղուց են պատմում։ Որ Վենեսուելան մենք ենք, դա ինքնստինքյան ենթադրվում է։ Բայց, ի՞նչ, «Թայմսն» է՞լ մենք ենք», – գրել է նա Telegram–ալիքում։
Ավելի վաղ Պոմպեոն հայտարարել էր, որ Ռուսաստանն օգտագործում է RT–ն և Sputnik գործակալությունը նրա համար, որպեսզի ազդի Վենեսուելայի իրավիճակի վրա։
Ըստ նրա` Ռուսաստանը «պետության կողմից ֆինանսավորվող այնպիսի ապատեղեկատվության մարմիններ է գործի դրել, ինչպիսիք են Russia Today–ը և Sputnik–ը, շեղելու համար ուշադրությունը մարդասիրական աղետից, որին հանգեցրել է Մադուրոյի ռեժիմի գործունեությունը»։
Պետդումայում, մեկնաբանելով Պոմպեոյի խոսքերը, ընդգծել են, որ RT–ն և Sputnik–ը միջազգային հանրությանը պատմում են այն մասին, թե ինչ է իրականում տեղի ունենում Վենեսուելայում։