ԵՐԵՎԱՆ, 12 մարտի — Sputnik. Ռուսաստանի ԱԳՆ–ն նախազգուշացում է հրապարակել Ադրբեջան այցելություն ծրագրող այն ռուսաստանցիների համար, որոնք հայկական արմատներ ունեն։
«Կապված այն հանգամանքով, որ չնայած ռուսական կողմի բազմաթիվ ուղերձներին, շարունակվում է Ռուսաստանի` հայկական ծագումով քաղաքացիներին Ադրբեջանի Հանրապետություն մուտք գործելը թույլ չտալու պրակտիկան, Ռուսաստանի ԱԳՆ կայքում` «Նախազգուշացումներ Ռուսաստանի քաղաքացիների համար» բաժնում, հրապարակված է համապատասխան ուղեցույց», – ասվում է արտգործնախարարության կայքում։
Ուղեցույցում ասվում է, որ «ղարաբաղյան հակամարտության կարգավորված չլինելու պատրվակով Ադրբեջանի սահմանապահ ծառայությունը շարունակում է մերժել այն անձանց մուտքը երկրի տարածք, որոնք, անկախ քաղաքացիությունից, ուղղակի կամ ոչ ուղղակի կերպով պատկանում են հայ ազգությանը»։
«Դա պատճառաբանվում է նման անձանց անվտանգությունն ապահովելու անհնարինությամբ», – նշում է ՌԴ ԱԳՆ–ն։
Ինչպես ասվում է փաստաթղթում, ռուսական կողմի բազմաթիվ դիումները, ուղղված ադրբեջանական կողմին Ադրբեջանի Հանրապետություն ժամանող ՌԴ քաղաքացիների նկատմամբ էթնիկական պատկանելիության պատճառով խտրականություն կիրառելու անթույլատրելի լինելու մասին, անտեսվում են։
«Հաշվի առնելով վերոհիշյալ հանգամանքները` խորհուրդ ենք տալիս Ռուսաստանի քաղաքացիներին Ադրբեջան մեկնելիս ծանրուկշիռ անել հնարավոր ռիսկերը», – նշվում է ՌԴ ԱԳՆ կայքում։