ԵՐԵՎԱՆ, 10 մարտի — Sputnik. Վահե Ասիլյան անունով տղամարդը ջարդուխուրդ է արել Մոսկվայի բուքմեյքերական գրասենյակներից մեկը։
Այդ մասին հաղորդում է Mash տելեգրամ ալիքը։
Ամենայն հավանականությամբ, տղամարդն արդեն երկար ժամանակ խաղում է և խաղադրույքներ անում բուքմեյքերական գրասենյակում։ Նրա խոսքով, որը մի քիչ դժվար է հասկանալ՝ հայհոյանքների առատության պատճառով, նա երկու ամսում ծախսել է ավելի քան երեք միլիոն ռուբլի, բայց ոչ մի կոպեկ չի շահել։
«Երկու ամսում ձեզ ավելի քան երեք միլիոն եմ տվել և ոչինչ չեմ շահել։ Որտե՞ղ են իմ բոնուսները», - հարցրել է Վաչեն սրահի աշխատակցին։
Դրանից հետո 29-ամյա մոսկվացին կոտրել է համակարգիչները, փչացրել կահույքը և առհասարակ իրեն պահել է ոչ ադեկվատ։
Հրապարակվել է նաև տեսանյութ, որում առկա են հայհոյանքներ, բայց, այդուհանդերձ, հոլովակը դիտել ցանկացողները կարող են տեսնել այն այստեղ։