ԵՐԵՎԱՆ, 8 մարտի — Sputnik. Վարորդը փորձել է մեքենան այրել Երևանի քաղաքապետարանի մուտքի մոտ: Այս մասին Sputnik Արմենիային տեղեկացրին ՀՀ ոտիկանության հասարակայնության հետ կապերի և լրատվության վարչությունից:
Վարորդը Երևանի քաղաքապետարանի շքամուտքի աստիճանահարթակի վերևում կայանելուց հետո բենզին է լցրել մեքենայի վրա ու փորձել է այրել այն:Ոստիկանները արագ կարողացել են կանխել հրդեհի բռնկումը, իսկ վարորդը հրավիրվել է ոստիկանության բաժանմունք:
Մեր տեղեկություններով՝ Նիվայի վարորդն ազգությամբ եզդի է։ Նա այդ քայլին է դիմել, քանի որ Երևանի Դավիթ Բեկի փողոցում իրեն պատկանող շինության հետ կապված խնդիրներ ունի Երևանի քաղաքապետարանում։
Sputnik Արմենիան ավելի վաղ տեղեկացրել էր, որ «Նիվա» մակնիշի ավտոմեքենան հայտնվել է Երևանի քաղաքապետարանի շքամուտքի աստիճանահարթակի վերևում: