ԵՐԵՎԱՆ, 6 մարտի — Sputnik. ՀՀ վարչապետ Նիկոլ Փաշինյանի՝ մարտի 4–5–ը կայացած բրյուսելյան այցի մեջ ոչ մի ենթատեքստ փնտրել պետք չէ։ Այս մասին ռուս լրագրողների հետ զրուցում ասել է ՌԴ փոխարտգործնախարար Ալեքսանդր Պանկինը։
«Այս այդ այցին որևէ ենթատեքստ չէի տա։ Բոլոր երկրները ԵՄ–ի հետ ինչ–որ հարաբերություններ ունեն, Հայաստանը` համագործակցության շրջանակային պայմանագրի գծով։ Եվրամիությունը բոլորիս համար առևտրային գործընկեր է, այդ պատճառով դրանք լրիվ նորմալ շփումներ են։ Մեր հայ գործընկերները երկրում բարեփոխումների անցկացման հարցում աջակցության կարիք ունեն։ Բացի այդ, մենք գիտեքն, որ նրանք ոչ միայն տնտեսական ու քաղաքական բնույթի խնդիրներ ունեն, այլև լրացուցիչ բարդություններ էլ կան։ Այդ պատճառով այդ այցին որևէ ենթատեքստ չէի տա», – ասել է նա ԵՄ-ի, Նորվեգիայի ու Իսլանդիայի «Северное измерение» նախագծի Բրյուսելում կայացած համատեղ նիստում։
Նրա խոսքով` «Հայաստանի ղեկավարությունը բազմիցս հաստատել է, որ Ռուսաստանի ռազմավարական գործընկերն է ու կատարելու է իր բոլոր պարտականությունները ՀԱՊԿ–ի ու ԵԱՏՄ–ի շրջանակներում»։ «Այսինքն` մենք այդ ուղուց ոչ մի շեղում չենք տեսնում, Հայաստանը մեր վստահելի դաշնակիցն է՝ իր բարեկամ ժողովրդով», – ավելացրել է նա։
ՀՀ վարչապետ Նիկոլ Փաշինյանը մարտի 4–5–ին պաշտոնական այցով Բրյուսելում էր։ Նա բանակցություններ է անցկացրել Եվրահանձնաժողովի ու Եվրախորհրդի նախագահներ Ժան Կլոդ Յունկերի ու Դոնալդ Տուսկի հետ, Եվրոպական հանձնաժողովի փոխնախագահ Ֆեդերիկա Մոգերինիի հետ, նաև ելույթ է ունեցել Եվրախորհրդարանում։