Պատահար. Բագրատունյաց պողոտայի և Արտաշիսյան փողոցի խաչմերուկում խցանում է. լուսանկարներ

ԵՐԵՎԱՆ, 5 մարտի — Sputnik. Քիչ առաջ ճանապարհատրանսպորտային պատահար է տեղի ունեցել մայրաքաղաքի Բագրատունյաց պողոտայում։ Ինչպես տեղեկացնում է Sputnik Արմենիայի տեղեկությամբ, իրար են բախվել համընթաց երթևեկող մարդատարն ու խոշոր բեռնատարը։

Մեր տեղեկություններով ուղևորներից կամ վարորդներից ոչ ոք չի տուժել. պատահարի վնասները միայն նյութական են։

Այս պահին Բագրատունյաց պողոտայի և Արտաշիսյան փողոցի խաչմերուկում խցանում է։

Տեղում աշխատում են ճանապարհային ոստիկանները և ԱՊՊԱ աշխատակիցները։