Facebook-ը «թաքնված» ֆունկցիա է ավելացրել Messenger-ում

ԵՐԵՎԱՆ, 5 մարտի – Sputnik. Facebook-ի հիմնական հավելվածը չունի գիշերային ռեժիմ, սակայն Messenger-ում այն արդեն հասանելի է։

Ի դեպ, այս ֆունկցիան «թաքնված է», այն պետք է ակտիվացնել` ընդամենը որևէ մեկին «լուսին» էմոջին ուղարկելով։  Մի քանի վայրկյան անց կհայտնվի «Դուք հայտնաբերեցի՛ք գիշերային ռեժիմը» գրությունը, որի տակ նշված կարգավորումների միջոցով կարող եք ակտիվացնել այն։

Մեկ անգամ ակտիվացնելուց հետո այս ֆունկցիայի անջատիչը կհայտնվի Messenger-ի կարգավորումներում (պետք է սեղմել ձեր իսկ նկարի վրա, և կարգավորումները կբացվեն)։