ԵՐԵՎԱՆ, 4 մարտի — Sputnik. Whoscored.com վիճակագրական կայքը, որը հետևում է ֆուտբոլիստների գործողություններին խաղադաշտում յուրաքանչյուր խաղում ու գնահատականներ սահմանում ցուցադրած խաղի համար, հրապարակել է Անգլիական Պրեմիեր լիգայի (ԱՊԼ) փետրվար ամսի խորհրդանշական հավաքականը, որի կազմում ընդգրկվել է «Արսենալի» կիսապաշտպան Հենրիխ Մխիթարյանը:
Փետրվարին Պրեմիեր լիգայում հայ ֆուտբոլիստը անցկացրել է երեք հանդիպում, ու դարձել երկու գոլի հեղինակ, կատարելով նաև գոլային երեք փոխանցում: Հիշեցնենք, որ Մխիթարյանը հաջորդաբար գրավել է «Սաութհեմփթոնի» և «Բոռնմութի» դարպասները:
ԱՊԼ փետրվար ամսի խորհրդանշական հավաքականը ունի հետևյալ տեսքը՝
Դարպասապահ – Լուկաշ Ֆաբիանսկի «Վեստ Հեմ»
Պաշտպաններ – Էշլի Յանգ «Մ.Յու», Ֆաբիան Շեր «Նյուքսլ»,Վիրջիլ վան Դեյկ «Լիվերպուլ», Ալեքսանդր Զինչենկո «Մ.Սիթի»
Կիսապաշտպաններ – Հենրիխ Մխիթարյան «Արսենալ», Պոլ Պոգբա «Մ.Յու», Իսայակ Հեյդեն «Նյուքասլ», Ռահիմ Սթեռլինգ «Մ.Սիթի»,
Հարձակվողներ – Գոնսալո Իգուաին «Չելսի»Սերխիո Ագուերո «Մ.Սիթի»