ԵՐԵՎԱՆ, 1 մարտի — Sputnik. Երգիծաբան Եվգենի Պետրոսյանը հրաժարվել է վճարել այն բնակարանի կոմունալ վճարները, որտեղ հիմա ապրում է նրա նախկին կին ու գործընկեր Ելենա Ստեպանենկոն։ Այս մասին դերասանի փաստաբան Սերգեյ Ժորինն ասել է «Մոսկովսկի Կոմսոմոլեց» թերթի հետ զրույցում։
«Տիկին Ստեպանենկոն ասում է, որ նա շատ ունևոր կին է, դե թող հիմա փորձի վճարել։ Այն բավականին մեծ բնակարան է, այնպես որ դրա հաշիվներն էլ են համապատասխան մեծ են` ամսական մոտ 300 հազար ռուբլի», – ասել է Ժորինը համատեղ ունեցվածքը կիսելու վերաբերյալ հերթական դատական նիստից հետո։
Ստեպանենկոյի փաստաբանն իր հերթին նշել է, որ Պետրոսյանն այդքան էլ լավ չի վարվում։
Զույգի ներկայացուցիչների հաջորդ հանդիպումը նշանակված է մարտի 22–ին։
Դատարանը չեղարկել է Եվգենի Պետրոսյանի ու Ելենա Ստեպանենկոյի ամուսնությունն անցած տարվա նոյեմբերի 16–ին։ Նրանք ավելի քան 30 տարի ամուսնացած էին։ Ապահարզանի պատճառները պաշտոնապես չեն հայտնում։ Երկուսն էլ դիմել են ամուսնալուծության, թեև առաջինը Ստեպանենկոն է հայտ ներկայացրել։
Դատարանը կալանքի տակ է վերցրել է վիճելի ունեցվածքը, որ ամուսիններից ոչ ոք չփորձի յուրացնել այն մինչ դատարանի որոշումը ։Պետրոսյանի ու Ստեպանենկոյի հաշիվները նույնպես կալանքի տակ են։