ԵՐԵՎԱՆ, 28 փետրվարի – Sputnik. ՀՀ կառավարության այսօրվա նիստում կայացված որոշմամբ «Բարձրավոլտ էլեկտրացանցեր» 100-տոկոսանոց պետական ընկերությունն ազատվեց 615 255 000 դրամ շահութաբաժնի վճարման պարտավորությունից:
Բանն այն է, որ 2016թ-ին ՀՀ հանրային ծառայությունները կարգավորող հանձնաժողովը «Իրան-Հայաստան 400 կՎ էլեկտրահաղորդման 3-րդ օդային գծի և համապատասխան ենթակայանի կառուցում» ներդրումային ծրագրի իրականացման արժեքը հաշվարկել էր 5 742 000 000 դրամ, որից շահութահարկը ներկա պահին կազմում է 615 255 000 դրամ:
կառավարությունը որոշեց այս գումարը ներել ընկերությանն ու այն ավելացնել ԲԷՑ-ի կանոնադրական կապիտալին:
Հիշեցնենք` ՀՀ պետական վերահսկողական ծառայությունը 2018թ-ի հուլիսին «Բարձրավոլտ էլեկտրացանցեր» ՓԲԸ-ում ուսումնասիրություն էր կատարել ու պարզել, որ ընկերությանը պատկանող ավտոտրանսֆորմատորից բացակայում է 26.1 տոննա պղնձե փաթույթ` որպես մետաղի ջարդոն 52.000.000 ՀՀ դրամ արժեքով:
Պարզվել էր նաև, որ ԲԷՑ-ի տնօրեններից մեկն իր առանձնատունը կառուցել էր ԲԷՑ-ի աշխատողների միջոցով: Այդ մարդիկ աշխատավարձ էին ստացել տնօրենի տունը կառուցելու համար, որն իրենց պարտականությունը չէր:
Հարուցվել էր քրեական գործ:
Իսկարդեն 2019-ի փետրվարի 13-ին Էներգետիկ ենթակառուցվածքների և բնական պաշարների նախարարությունը հայտարարեց, որ աճուրդի է հանել «ԲԷՑ» ՓԲԸ-ին պատկանող «Արմենիա» զբոսանավը: