Այգու կենդանաբույծ Աննա Ասատուրյանը Sputnik Արմենիային պատմեց, որ նմանատիպ «խաղերը» կենդանիների համար հավելյալ զբաղվածություն են ստեղծում, որի ընթացքում առյուծները լրացուցիչ մարզում են իրենց մկանները և ստիպված լինում տարատեսակ լուծումներ գտնել իրենց «օրվա հացը վաստակելու» համար:
Ի դեպ, անկախ խաղերի ընթացքում «մատուցվող» կերակուրից, առյուծներից ամեն մեկն օրական մեկ անգամ ստանում է իր բաժին 10 կգ միսը:
Կենդանաբանականից տեղեկացրին նաև, որ այցելուները կարող են իրենք տեսնել առյուծների կերակրման կազմակերպումը, եթե այգում լինեն առավոտյան 11.30-ի շրջանում:
Առյուծների ցուցադրական կերակրում չի լինում միայն կիրակի օրերին: