ԵՐԵՎԱՆ, 23 փետրվարի – Sputnik. Հայաստանում շարունակվում է խոզի և տավարի մսի էժանացումը: Այս մասին գրում է «Ժամանակ» թերթը։
«Սա լավ է սպառողների համար, քանի որ նրանք էժան մսամթերք են ձեռք բերում: Բայց, մյուս կողմից, մսի էժանացումը հարվածում է այդ բիզնեսով զբաղվող ֆերմերներին, ովքեր մեծ վնասներ են կրում»,– նշված է հոդվածում:
Ըստ պարբերականի` մսի էժանացումը կապված է Ռուսաստանից և Բելառուսից մեծաքանակ ներկրումներով, և ըստ անասնապահությամբ զբաղվողների՝ եթե գնի անկման այս տեմպերը շարունակվեն, ապա խոզաբուծությունն արդեն դարձել է ոչ եկամտաբեր, նույնը սպառնում է նաև տավարաբուծությանը: