ԵՐԵՎԱՆ, 23 փետրվարի – Sputnik. Լոռում մարզում ողբերգական դեպք է տեղի ունեցել։ Երեկ` փետրվարի 22-ին, ժամը 15:15-ի սահմանում ոստիկանության Ստեփանավանի բաժինն ահազանգ է ստացել, որ Սայաթ–Նովա փողոցի 23 տան տանիքում դի կա կախված:
Ինչպես հայտնում է shamshyan.com–ը, ոստիկաններն ու քննիչները նշված տան տանիքում հայտնաբերել են տանտիրուհու՝ 81-ամյա Ֆրիդա Մուրադյանի դին՝ տանիքի փայտյա հենակից կախված վիճակում:
Դեպքի վայր ժամանած դատաբժշկի նախնական եզրակացությամբ` դիակի արտաքին զննությամբ, պարանոցին հայտնաբերվել է ճմլման ակոսի հետք, մարմնական այլ վնասվածքներ չեն հայտնաբերվել:
Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:
Փաստի առթիվ Ստեփանավանի քննչական բաժնում նյութեր են նախապատրաստվում: