ԵՐԵՎԱՆ, 22 փետրվարի — Sputnik. Ադրբեջանցի մոդել Մահբուբա (Մարիա) Մամեզադեն կարողացել է վաճառել իր կուսությունը 2,6 միլիոն դոլարով։
Մամեզադեն մի օրում հայտնի է դարձել ոչ միայն Ադրբեջանում, այլ նաև ամբողջ աշխարհում, սակայն նրան հռչակ է բերել ոչ թե ինչ-որ նախագծին մասնակցությունը, այլ կուսությունը 100 հազար եվրոյով վաճառելու մասին հայտարարությունը` տեղադրված Cinderella Escorts կայքում։
23–ամյա աղջիկը հայտարարել է, որ ցանկանում է վաճառել իր կուսությունը, որպեսզի տուն գնի իր և մոր համար, ինչպես նաև նրա հետ ճանապարհորդի ամբողջ աշխարհում։
«Ես ուզում եմ ապրել ԱՄՆ–ում և շարունակել մոդելի կարիերան առաջատար մոդելային գործակալություններից մեկում։ Այնպես որ, իմ երազանքը կարող է իրագործվել։ Ես սիրում եմ շներին և երազում եմ իմ երկրում կացարան բացել շների համար։ Մայրս մինչև հիմա ամեն ինչ արել է ինձ համար, հիմա իմ հերթն է ստիպել նրան հպարտանալ ինձնով», – ասել է Մամեդզադեն։
Աճուրդում հաղթել է ճապոնացի քաղաքական գործիչը Տոկիոյից։ Նրան զիջել է մի փաստաբան Լոնդոնից և «հայտնի ֆուտբոլիստը Մյունխենից»։ Հաճախորդն արդեն վճարել է ընդհանուր գումարի 10 տոկոս կանխավճարը, իսկ մոտ 20 տոկոսը կմնա կայքին։
Ինչպես հաղորդում է The Mirror–ը, Մամեդզադեն գնորդի հետ կհանդիպի Գերմանիայում, որտեղ նրա ծառայություններն օրինական կլինեն, հիմա նա բնակվում է Թուրքիայում։
Ավելի վաղ մոդելը հայտարարել է, որ բոլորովին չի զղջում իր արարքի համար, քանի որ հոգնել է դժվարություններից և երազում է շքեղ կյանքի մասին ոչ միայն իր, այլ նաև իր մոր համար։ Նա նույնիսկ պատրաստ է ամուսնանալ այն մարդու հետ, որը կվճարի այդ գումարը։