ԵՐԵՎԱՆ, 21 փետրվարի — Sputnik. Թուրքիայում մտադիր են վերականգնել Դիարբեքիրի Սուրբ Կիրակոս եկեղեցին։ Այն գտնվում է Սուր պատմական շրջանում։
Դեյլի Սաբահ պարբերականի համաձայն` Թուրքիայի Հիմնադրամների գլխավոր վարչության տարածաշրջանային ներկայացուցչության ղեկավարը հայտնել է, որ եկեղեցու վերականգնման աշխատանքները շուտով կավարտվեն։
Նա նշել է նաև, որ տեղի համայնքը չի կարողացել սեփական ուժերով վերականգնել եկեղեցին, ու ծախսերն իր վրա վերցրել տարածաշրջանային վարչությունը։
Սուրբ Կիրակոս եկեղեցին Մերձավոր Արևելքում ամենամեծ հայկական եկեղեցին է համարվում։ 2011 թվականին այն վերականգնվել է, սակայն 4 տարի անց նորից քանդվել է թուրքական բանակի ու Քրդստանի աշխատավորական կուսակցության միջև ռազմական գործողությունների հետևանքով։