«Լուրջ քննադատությանը շատ լուրջ եմ վերաբերվում և լուրջ հետևություններ անում, իսկ լուրերին, որոնք ընդհանրություն չունեն իրականության հետ, ոչ մի կերպ չեմ վերաբերվում, նույնիսկ բացասական»,-ասում է վարչապետ Նիկոլ Փաշինյանի տիկին Աննա Հակոբյանը։
Նա կտրականապես հերքում է լրատվամիջոցներում շրջանառվող լուրերը, թե իբր հովանավորում է իր ազգականներին` առաջ մղելով նրանց պետական տարբեր պաշտոններում։
«Ես վախ ունեի։ Երբ նյութեր էի գրում, միշտ մտածում էի այնպես անել, որ իմ նյութերը կարդալիս մարդիկ Բաղրամյան 26–ի կաբինետներում ու միջանցքներում չծիծաղեն ինձ վրա։ Ճշտում էի բոլոր փաստերը, որպեսզի ոչ մի բառը ծաղրի առարկա չդառնար», – նշում է առաջին տիկինը։
Վարչապետի տիկինը նշում է, որ չի հրաժարվում խորհրդանշական և ոչ թանկարժեք նվերներից, ասենք`տեղական արտադրության։ Նման նվերները փորձում է օգտագործել հայկական արտադրանքն առաջ մղելու և գովազդելու համար։