ԵՐԵՎԱՆ, 20 փետրվարի — Sputnik. Երևանում մեկնարկեց ֆան–քվեսթ, որի հաղթողները մասնակցելու են ռուսաստանցի ռեփեր Տիմատիի «Black Star Burger» արագ սննդի ռեստորանի բացման արարողությանը։ Sputnik Արմենիային այս մասին հայտնեցին միջոցառման կազմակերպիչները։
«Ռեստորանը կբացվի այս տարվա մայիսին Աբովյան փողոցի սկզբնամասում։ Բացման ընթացքում մեծ շոու է լինելու Տիմատիի ու «Black Star» թիմի անդամների մասնակցությամբ։ Բացի այդ, աշնանը նախատեսվում է ռեփերի ակումբի բացումը», – ասաց Sputnik Արմենիայի զրուցակիցը։
Ֆան–քվեստը հաղթահարած 9 մասնակիցներն առաջինը կփորձեն սև բուրգերները և Տիմատիի հետ անձամբ հանդիպելու ու զրուցելու հնարավորություն կստանան։