ԵՐԵՎԱՆ, 20 փետրվարի — Sputnik. Հայաստանի ֆուտբոլի հավաքականի հարձակվող Յուրա Մովսիսյանի 7-ամյա դուստրը ֆուտբոլ է խաղում։ Այս մասին armfootball կայքի փոխանցմամբ հայտնել է Մովսիսյանը` Հայաստանի կանանց հավաքականի մարզումները տեսնելուց հետո։
«Իմ դուստրը ֆուտբոլ է խաղում, կանանց ֆուտբոլը նորմալ եմ համարում» ,– ասել է Մովսիսյանը։
Հայաստանի ազգային հավաքականի հարձակվող Յուրա Մովսիսյանն այսօր այցելել է ՀՖՖ Տեխնիկական կենտրոն (Ֆուտբոլի ակադեմիա), որտեղ հետևել է Հայաստանի կանանց Մ-19 հավաքականի մարզմանը, շփվել պատանի ֆուտբոլիստուհիների հետ: