ԵՐԵՎԱՆ, 18 փետրվարի - Sputnik. Հնարավոր է` Հայաստանը պաշտպանական նոր վարկ ստանա Ռուսաստանից գործող վարկի իրացումից հետո։ ՌԻԱ Նովոստիին այս մասին ասել է ՀՀ պաշտպանության նախարար Դավիթ Տոնոյանը։
«Դեռ վաղ է խոսել սպառազինության հստակ տեսակների մասին», – IDEX-2019 ռազմարդյունաբերական ցուցահանդեսում` պատասխանելով լրագրողի հարցին։
Հայաստանը հետխորհրդային տարածաշրջանում Ռուսաստանի առանցքային դաշնակիցն է։ Հայաստանն առաջին երկիրն է, որը 2016 թվականին ստացել էր ռուսական «Իսկանդեր» օպերատիվ մարտավարական համալիրը։
100 միլիոն դոլարի պաշտպանական վերջին վարկի վերաբերյալ համաձայնագիրը ՀՀ խորհրդարանը վավերացրել է 2017 թվականի վերջին։
Ավելի վաղ Երևանը Մոսկվայից 200 միլիոն դոլարի պաշտպանական վարկ էր ստացել։