ԵՐԵՎԱՆ, 17 փետրվարի –Sputnik. Վրաստանի նախկին նախագահ Միխեիլ Սահակաշվիլին ներկայացրել է ԴՆԹ հետազոտության արդյունքները, որը նա հանձնել է ԱՄՆ–ում` նպատակ ունենալով վերջակետ դնել իր ազգության հետ կապված վեճերին։ Ինչպես Facebook-ի իր էջում գրել է քաղաքական գործիչը, գենետիկ թեստի արդյունքներով նա 98.3% վրացի է։
«Ես գրեթե 99%–ով վրացի եմ և 1%–ով` հույն։ Այդ թեստը հստակ պարզում է նախնիներին պատկանելությունը ամենաքիչը վերջին հազար տարվա ընթացքում։ Տարածաշրջանի այլ ժողովուրդներից մի կաթիլ արյուն չունեմ։ Ավելին, երկար դարերի ընթացքում նախնիներս ընդհանրապես ոչ մեկի հետ չեն խառնել մեր արյունը, ես առաջինն եմ խախտել այդ ավանդույթը` եվրոպացու հետ ամուսնանալով», – գրել է Սահակաշվիլին և տեղադրել թեստի արդյունքների սքրինշոթը։
Միևնույն ժամանակ, նա նշել է, որ «հարգում է բոլոր հարևաններին և իհարկե, սիրում այլ ազգության ներկայացուցիչներ Վրաստանի հայրենասերներին»։ Սահակաշվիլին կոչ է արել ԴՆԹ թեստ անցնել բոլոր նրանց, «ովքեր անդադար վերագրում են իրեն այլ ազգությունների» և արդեն դրանից հետո հերքել գենետիկայի մասին հստակ գիտությունը։
Նշենք, որ Սահակաշվիլու ազգության թեման երկար տարիների ընթացքում բուռն քննարկումների թեմա էր ԶԼՄ–ներում և սոցցանցերում։ Չէին բացառում նաև այն, որ Սահակաշվիլին հայ է, ինչպես նաև այն, որ նրա երակներում հրեական արյուն է հոսում։