ԵՐԵՎԱՆ, 17 փետրվարի — Sputnik. Թուրքիայի Ստամբուլ քաղաքում Հայաստանի առաջատար եռացատկորդ Լևոն Աղասյանը լավագույնն է ճանաչվել`առաջ անցնելով ադրբեջանցի և թուրք մարզիկներին։
Այս մասին տեսանյութը ֆեյսբուքյան իր էջում հրապարակել է Ասպրամ Զուրաբյան օգտատերը` նշելով, որ անչափ հպարտ է։
Մեր մարզիկը 16.71մ արդյունքով զբաղեցրել է առաջին հորիզոնականը և արժանացել ոսկե մեդալի: Նա առաջ է անցել երկրորդ տեղը գրաված ադրբեջանցի Նազիմ Բաբաևին, որը գրանցել է 16,68մ արդյունք, իսկ լավագույն եռյակը եզրափակել է Թուրքիայի ներկայացուցիչ Ջան Օզիփեկը` 16,21 արդյունքով:
Լևոն Աղասյանը 4-րդ անգամ է հաղթող ճանաչվում աթլետիկայի Բալկանյան երկրների թվով 24-րդ փակ առաջնությունում: