ԵՐԵՎԱՆ, 16 փետրվարի – Sputnik. Այսօր` փետրվարի 16-ին, ավազակային հարձակում է տեղի ունեցել Երևանում։ Ժամը 13։30-ի սահմանում 2 հոգի մտել են Լենինգրադյան - Սեբաստիա փողոցների խաչմերուկում գտնվող խանութ և գումար հափշտակել։ Այս մասին հայտնում է shamshyan.com–ը։
Ըստ կայքի` նրանք մոտեցել են վաճառողին, պարանը գցել պարանոցին և սպառնալիքի տակ հափշտակել նրա մոտ եղած գումարը։
Կայքի տեղեկություններով՝ նրանք եղել են առանց դիմակի և խանութ- պահեստարանից հափշտակել են մոտ 700 հազար դրամ։
Դեպքի վայրում աշխատում են ոստիկաններն ու քննիչները։