Ընկերությունը դեռ նախորդ նախարար Լևոն Ալթունյանի կոչին ընդառաջ է որոշել միանալ հակածխախոտային պայքարին:
«Որոշեցինք ստեղծել նաև նշան ու մտածել վիզուալ դարձնել այդ կոչը: Շատ ընկերություններ վերցրեցին նշանը և օգտագործեցին: Այն ոչ կոմերցիոն նպատակ ունի։ Նշանն արժանացավ և՛ քննադատությունների, և՛ հակառակը, բայց չեմ կարող ասել` նպաստեց ծխելը թողնելուն, թե ոչ: Կարևորը ևս մեկ անգամ չծխելու վրա ուշադրություն հրավիրելն էր, դա մի մեծ կոմունիկացիայի մի մասն է, ասել, ուշադրություն հրավիրել, որ այստեղ չեն ծխում»,– ասաց Սիմոնյանը։
Անդրադառնալով այսօրվա նախարար Արսեն Թորոսյանի նախաձեռնած հակածխախոտային արշավին` Սիմոնյանը նշեց, որ նա «լայքել է» նաև իրենց էջը։
Ի դեպ, այդ պատկերանշանը միջազգային ճանաչման է արժանացել։ Հիշեցնենք, որ առողջապահության նախարարության «Անծուխ Հայաստան» կարգախոսը միանշանակ չընկալվեց հանրության շրջանում և արժանացավ որոշակի քննադատությունների։