ԵՐԵՎԱՆ, 11 փետրվարի – Sputnik. Երևան-Սևան-Իջևան ավտոճանապարհի 110 կմ հատվածում բախվել են Kia մակնիշի 35 XQ 027 համարանիշի և ВАЗ 2107 մակնիշի 35 VA 801 համարանիշի ավտոմեքենաները։ Այս մասին հայտնում է shamshyan.com–ը։
Դեպքը տեղի է ունեցել այսօր՝ փետրվարի 11-ին, ժամը 13։00-ի սահմանում։
«07»-ի վարորդը տեղում մահացել է։
Ոստիկանությունն ու քննչական բաժինը պարզում են Kia-ի վարորդի և «07»-ի մահացած վարորդի ինքնությունը։
Դեպքի վայրում հավաքվածներն ասել են, որ մահացածը 63-ամյա Մուշեղ Հախվերդյանն է։ Նրա մեքենան կանգնած է եղել ճանապարհի թույլատրելի հատվածում, երբ Kia-ն մխրճվել է «07»-ի մեջ։
Ոստիկաններն ու քննիչները տեղում օպերատիվ տեղեկություններ են ստացել, որ մեկ այլ ավտոմեքենա Kia-ի վարորդի համար ստեղծել է վթարային իրավիճակ, ու քիչ առաջ ոստիկաններն ու քննիչները հայտնաբերել են վթարային իրավիճակ ստեղծած ավտոմեքենան և ձեռնարկում են անհրաժեշտ միջոցառումներ՝ վարորդին ոստիկանության Դիլիջանի բաժին բերելու ուղղությամբ։