ԵՐԵՎԱՆ, 10 փետրվարի — Sputnik. Հայտնի երգչուհի Սիրուշոն Instagram սոցիալական ցանցում հրապարակել է լուսանկար, որում նա DIAFA մրցանակ է ստացել։
«Երեկ Դուբայում կայացած DIAFA միջազգային մրցանակաբաշխության ժամանակ պատվեցին աշխարհի բազմաթիվ երկրներից տարբեր ոլորտներում մեծագույն ձեռքբերումների հասած պրոֆեսիոնալների՝ բժշկությունից մինչև կինոարվեստ, սպորտ ու երաժշտություն: Մրցանակաբաշխությանը ներկա էին դեսպաններ, միջազգային լրատվամիջոցների ներկայացուցիչներ, համաշխարհային աստղեր: DIAFA-ն ուղիղ եթերում հեռարձակել են 6 հեռուստաալիքներ», - գրել է երգչուհին։
Նշենք, որ Սիրուշոն մի քանի օր նախապատրաստել է բաժանորդներին այդ միջոցառմանը։ Սկզբից նա հայտնել է նորությունը՝ լուսանկար հրապարակելով սպիտակ կոմբինեզոնով։