Ըստ Նիկողոսյանի` Նիկոլ Փաշինյանը միշտ աչքի է ընկել ժամանակակից գրականությունը քարոզելով, ինչը շատ ողջունելի է։
«Գրքերը, որոնք ձեռք է բերել Նիկոլ Փաշինյանը, ընդամենը 1 տոկոսն են այն հետաքրքիր գրքերի, որոնք վերջին տարիներին ստեղծել են հայ ժամանակակից գրողները։ Փաշինյանն ընտրել է հատկապես երիտասարդ գրողների գրքեր, որոնք ամենաշատ աջակցության կարիքն ունեն այս փուլում, նոր են մտել գրականություն, որոնք նաև ընթերցվելու կարիք ունեն»,-համոզված է գրականագետը։
Հիշեցնենք, որ Փաշինյանն այսօր Facebook սոցիալական ցանցում գրել էր, որ նոր գրքեր է գնել։ Փաշինյանը հրապարակել է նաև մի լուսանկար, որում պատկերված էին Տարոն Աճեմօղլուի և Ջեյմս Ա. Ռոբինսոնի «Ինչու են ձախողվում պետությունները, Մարկ Մենսոնի «Թքած ունենալու նուրբ արվեստը», Նորայր Սարգսյանի «Չինական պատ», Արթուր Մեսրոպյանի «Թռչող տունը», Արամ Ավետիսի «Կույր կետադրություն» գրքերը։