ԵՐԵՎԱՆ, 8 փետրվարի — Sputnik. ՌԴ աշխատանքային այցի շրջանակում փետրվարի 8-ին տեղի է ունեցել ՀՀ պաշտպանության նախարար Դավիթ Տոնոյանի հանդիպումը ՌԴ «Ռոստեխ» պետական կորպորացիայի գլխավոր տնօրեն Սերգեյ Չեմեզովի հետ։
Կորպորացիայի ղեկավարության ընդլայնված կազմի հետ հանդիպման ժամանակ, որին մասնակցել են նաև ռուսական ռազմարդյունաբերական խոշոր ձեռնարկությունների ներկայացուցիչներ, քննարկվել են ռազմատեխնիկական համագործակցության ոլորտին առնչվող մի շարք հարցեր:
Ավելի ուշ հանդիպումից հետո ՊՆ մամուլի խոսնակ Արծրուն Հովհաննիսյանը լուսանկար հրապարակեց Facebook-ի իր էջում:
Լուսանկարում ՀՀ պաշտպանության նախարար Դավիթ Տոնոյանի ձեռքում ՍՈւ-30 ՍՄ-ի մոդելն է, հենց այն կործանիչի, որոնցից 4 հատով առաջիկայում կհամալրվեն ՀՀ Զինված ուժերը: