ԵՐԵՎԱՆ, 4 փետրվարի — Sputnik. Ամերիկահայ սուպերմոդել, «Քարդաշյանների ընտանիք» ռեալիթի շոուի մասնակից Քենդել Ջեները դարձել է Vogue իտալական ամսագրի շապիկի դեմքը։
Հաջողակ մոդելը, որն ընդամենը 23 տարեկան է, մերկացել է նորաձևության հեղինակավոր ամսագրի համար։ Աշխարհի ամենահարուստ մոդելը մասնակցել է 70-ականների ոճով ռետրո–ֆոտոշարքում։ Նրան լուսանկարել է հանրահայտ Մերթ Ալասը։
Քենդելը ներկայացել է Ֆելինիի, Մաստրոյանիի և Բերտոլուչիի դարաշրջանի կինոաստղերի կերպարներով։
Նա արդեն հրապարակել է ֆոտոշարքի առաջին կադրերը։ Տեսանյութերում երևում է, որ Քենդելը կեցվածք է ընդունել նաև լոգարանում։
Նշենք, որ Քենդելը սիրում է ցուցադրել իր կազմվածքը, բայց սովորաբար գերադասում է լուսանկարվել լողազգեստով։