ԵՐԵՎԱՆ, 3 փետրվարի –Sputnik. Ռուսաստանի Կալուգայի մարզում երեխաներին տեղափոխող ավտոբուսի խոշոր վթարի հետևանքով նաև հայեր են տուժել։ Տուժածների ցուցակը հրապարակել է Mash տելեգրամ ալիքը։
Ճանապարհատրանսպորտային պատահարը տեղի է ունեցել այսօր։ Ավտոբուսի մեջ 41 մարդ է եղել, որոնցից 16-ը`մեծահասակ, մնացածը` երեխաներ։ Երեխաները պարի խմբի անդամներ են, Կալուգա էին մեկնում Յարցևոյից` ծնողների հետ միասին։ Նրանց հետ եղել է նաև Սոֆյա Առաքելյան անունով աղջնակը` մոր հետ միասին։
Նախնական տվյալներով` ողբերգական պատահարի հետևանքով 8 մարդ մահացել է, 10–ը վնասվածքներ են ստացել։