ԵՐԵՎԱՆ, 3 փետրվարի –Sputnik. Երգչուհի Անի Լորակը Instagram սոցցանցում տեսանյութ է հրապարակել, որում երևում է, թե ինչպես է նա դստեր հետ ֆոտոշարքի նկարահանման նախապատրաստվում։
«Անակնկալ եմ պատրաստում 2019 թվականի գարուն–ամառ շրջանի համար», – կից գրել է Լորակը։
Հրապարակումը դիտել են ավելի քան 1 մլն 75 հազար անգամ։
Այն ոչ միանշանակ արձագանքի է արժանացել օգտատերերի կողմից։ Ոմանք հիացել են Լորակի բարեկազմ արտաքինով և նրա դստրիկով, մյուսները` ուշադրություն են դարձրել երգչուհու փոքր–ինչ մեծացած ստինքներին, մյուսներն էլ ընդհանրապես երգչուհու բավական բաց դեկոլտեով կարմիր զգեստը վուլգար են համարել։
«Մայրիկի զգեստը վուլգար է։ Թեև սիրում եմ ձեզ, կներեք», – գրել է tatianagliva–ն։
«Մայրիկի պես գեղեցկուհի է», – գրել է alakazaika–ն։
Օգտատերերից մեկը բողոքել է մինչև պորտը բացված դեկոլտեից։
«Եթե կազմվածքը թույլ է տալիս, ինչու ո՞չ։ Չէ՞ որ կուրծքը դուրս չի թափվում», –ի պատասխան գրել է nikitinaliia5995–ը։
Հիշեցնենք, որ Անի Լորակն ու թուրք գործարար Մուրատ Նալչաջիօղլուն ամուսնացել էին 2009 թվականին, 4 տարի հանդիպելուց հետո։ Շքեղ հարսանիքը տեղի էր ունեցել Անթալիայի ափին գտնվող «Ադամ և Եվա» թանկարժեք հյուրանոցներից մեկում։ 2011 թվականին Անին լույս աշխարհ է բերել դստերը` Սոֆիային։
2018 թվականի հոկտեմբերին Լորակը, ամուսնալուծության գործընթաց է սկսել։ Նրանց ընտանիքում առաջացած խնդիրների մասին հայտնի է դարձել այն բանից հետո, երբ նրա ամուսնուն Կիևի կարաոկե ակումբներից մեկում նկատել էին ուրիշ կնոջ հետ: Տեղագրությունը հայտնվել էր համացանցում։ Տեսանյութում երևում է՝ ինչպես է Լորակի ամուսինը գրկում այդ կնոջը։