ԵՐԵՎԱՆ, 1 փետրվարի — Sputnik. Փետրվարի 1-ի առավոտյան փրկարար ծառայության 9-11 օպերատիվ կառավարման կենտրոն ահազանգ է ստացվել, որ Արաբկիր վարչական շրջանի Նաիրի Զարյան 15 շենքի նկուղային հարկում գործող «Ժասմին» գեղեցկության սրահից կասկածելի հոտ է գալիս և չի բացառվում, որ ներսում դի լինի։
Ինչպես դեպքի վայրից հայտնում է shamshyan.com-ը, փրկարարները, բացելով վարսավիրանոցի դուռը, ներսում հայտնաբերել են կնոջ դի։
Դեպքի վայրում հավաքվածների խոսքով` մահացածը գեղեցկության սրահի տնօրենն է։
Իրավապահները պարզում են մահացածի ինքնությունը։ Նշանակվել են մի շարք փորձաքննություններ, այդ թվում՝ դիակի դատաբժշկական։