Տղայի ելույթը ցնցել է ոչ միայն Գերմանիայի «Ձայնը։ Երեխաներ» երգի մրցույթի ժյուրիին, այլև հանդիսատեսին։ Տղան այնքան լավ է երգել «This is a man's world» հիթը, որ ամբողջ դահլիճը զարմանքից կանգնել է։
Գերմանացի երգչուհին նույնիսկ ծնկի է իջել տղայի ելույթի ժամանակ։ Ժյուրիի բոլոր չորս անդամները շրջվել են։
Հայ տղայի ելույթից հետո կրքերը թեժացել են «Ձայնը։ Երեխաներ» շոուում. ժյուրիի անդամները սկսել են բոլոր հնարավոր միջոցներով պայքարել Դավթի համար։
«Ես Դավիթն եմ, եկել եմ Հայաստանից, արդեն մի քանի տարի է` բնակվում եմ Գերմանիայում։ 11 տարեկան եմ», – ելույթից հետո խոստովանել է տղան։
Ժյուրիի անդամները սկսել են վիճել միմյանց հետ` փորձելով տղային գրավել խոստումներով ու հորդորներով։
Ժյուրիի անդամներից մեկը Դավթի մոտ է բարձրացել գավաթով` ակնարկելով, որ եթե տղան ընտրի իր թիմը, ապա 100 տոկոսով կհաղթի։
Տեսանյութն ընդհատվում է ամենահետաքրքիր տեղում, և պարզ չէ, թե արդյունքում ում է ընտրել Դավիթը։