ԵՐԵՎԱՆ, 29 հունվարի — Sputnik. Վրաստանի պաշտպանության նախարար Լևան Իզորիան առաջիկայում մտադիր է պաշտոնական այցով Հայաստան գալ։ Այս մասին նա հայտնել է Aliq Media անկախ տեղեկատվական ռեսուրսին տված հարցազրույցում։
Իզորիան Թբիլիսիում մասնակցել է հայկական ԶՈւ կազմավորման 27-ամյակի առիթով Հայաստանի դեսպանատան կազմակերպած ընդունելությանը։
«Առաջիկայում նախատեսվում է իմ պաշտոնական այցը Հայաստան։ Մենք լավ դրական դինամիկա ունենք, ինչը լավ հիմք է տալիս ապագայում համագործակցությունը ռազմական ոլորտում խորացնելու համար», – ասել է Իզորիան։
Նա ընդգծել է, որ Հայաստանի և Վրաստանի բարեկամական հարաբերությունները ռազմական ոլորտում հատկապես ամրապնդվել են վերջին տարիներին` կապված Վրաստանում անցկացվող բազմազգ զորավարժություններին հայկական ԶՈւ–ի մասնակցությամբ։
Խոսքը Noble Partner զորավարժությունների մասին է, որոնց Հայաստանը մասնակցել է 2018 թվականի օգոստոսին։
Իզորիան նաև շնորհավորել է Հայաստանի Զու–ին 27-ամյա հոբելյանի հետ, ինչպես նաև վստահություն հայտնել, որ համագործակցության դրական դինամիկան կպահպանվի նաև ապագայում։
Հիշեցնենք, որ սա Իզորիայի առաջին պաշտոնական այցն է Հայաստան։ Վրաստանի պաշտպանության նախարարը վերջին անգամ Հայաստանում պաշտոնական այցով եղել է 2016 թվականի փետրվարին։ Այն ժամանակ այդ պաշտոնը զբաղեցնում էր Թինաթին Խիդաշելին։