ԵՐԵՎԱՆ, 25 հունվարի — Sputnik. Սոցցանցերում կրկին քննարկում են ամերիկահայ հեռուստաաստղ Քիմ Քարդաշյանի թեման. այս անգամ նրան ծաղրում են անբնական դեմքի համար։
Օգտատերերը Քիմ Քարդաշյանին մեղադրում են ֆոտոշոպի հնարավորություններից չափից շատ օգտվելու մեջ։ Instagram–ի @fakegirlsfvckya էջում, որը զբաղվում է ֆոտոշոպի օգնությանը դիմած աստղերի դիմակազերծմամբ, հայտնվել է Քարդաշյանի երկու լուսանկարի կոլաժը։ Լուսանկարներից մեկը վերցրել են նրա էջից, իսկ երկրորդը նկարել են պապարացիները։
Օգտատերերի մեծ մասն անմիջապես նկատել է տարբերությունը և նշել, որ առաջին լուսանկարում ֆոտոշոպ ու ռետուշ են օգտագործել։
Հենց սա էլ դարձել է քննարկման ու քննադատության թեմա. «Քիմ, ո՞վ է խմբագրում դեմքդ։ Ազատվիր այդ մարդուց», «Սարսափելի շուրթեր», «Երկու տարբեր մարդիկ», «Սպասում և իրականություն», «Կյանքում տարօրինակ քիթ ունի»։
«Քիմը, եթե չգիտեիք, ֆոտոշոպի թագուհի է», – գրել են «մուշտարու աչք» ունեցողները։
Նշենք, որ Քարդաշյանը մշտապես վիրտուալ հանրության ուշադրության կենտրոնում է։ Մարդիկ քննարկում են նրա շպարը, հագուստը, երեխաներին... Քարդաշյանը հաճախ նաև բանավիճում է հեյթերների հետ։