Հայաստանի ո՞ր մարզերում այսօր տեղումներ կգրանցվեն. եղանակի տեսություն

ԵՐԵՎԱՆ, 25 հունվարի – Sputnik. Հայաստանի առանձին շրջաններում այսօր` հունվարի 25-ին, տեղումներ կգրանցվեն։ Այս մասին նշված է ՀՀ արտակարգ իրավիճակների նախարարության կայքում։

Ըստ ներկայացված աղյուսակի` տեղումներ կգրանցվեն Շիրակում, Կոտայքում, Գեղարքունիքում, Արագածոտնում, Արարատում, Արմավիրում, Վայոց Ձորում։

«Օդի ջերմաստիճանը հունվարի 25-28-ն աստիճանաբար գիշերը կբարձրանա 5-7, ցերեկը՝ 2-4 աստիճանով»,– նշված է հաղորդագրության մեջ:

Երևանում այսօր թույլ տեղումներ կգրանցվեն։ Օդի ջերմաստիճանը ցերեկային ժամերին կտատանվի 5-7 աստիճան տաքության, գիշերային ժամերին` 1-3 աստիճան ցրտի սահմանում։