ԵՐԵՎԱՆ, 23 հունվարի — Sputnik. ՀՀ վարչապետ Նիկոլ Փաշինյանը րոպեներ առաջ հեռախոսազրույց է ունեցել ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ:
Այս մասին վարչապետը տեղեկացրեց իր Facebook-ի էջի միջոցով:
«Քննարկեցինք տարածաշրջանային իրավիճակին եւ երկկողմ հարաբերություններին վերաբերվող հարցեր: Թե պարոն Բոլթոնը, թե ես ընդգծեցինք հայ-ամերիկյան հարաբերությունների կարեւորությունը մեր կառավարությունների համար»,- գրել է Փաշինյանը:
Վարչապետը նշում է, որ պայմանավորվել են շարունակել քննարկումները հարաբերությունների հետագա զարգացման շուրջ:
Հետգրության մեջ ՀՀ վարչապետը ֆիքսել է, որ Արցախի հարցին չեն անդրադարձել: