ԵՐԵՎԱՆ, 23 հունվարի — Sputnik. ՀՀ պետական սահմանի «Բագրատաշեն» անցակետում կայանված տրանսպորտային միջոցները, հիմնականում` աջ ղեկով, խոչընդոտում են մաքսակետի բնականոն գործունեությունը, ստեղծում ավելորդ դժվարություններ:
Հայտնում է ՀՀ ԱԱԾ–ն` միաժամանակ նաև լուսանկարներ հրապարակելով անցակետից, որտեղ երևում են հարակից տարածքներում կայանված մի քանի հարյուրի հասնող ավտոմեքենաները։
ԱԱԾ–ն կոչ է անում տրանսպորտային միջոցների սեփականատերերին 7-օրյա ժամկետում անցման կետի տարածքից դուրս բերել իրենց ավտոմեքենաները։
Ավտոմեքենաների սեփականատերերին տրվում է ժամկետ մինչև հունվարի 31-ը, դրանից հետո ԱԱԾ–ն խոստանում է կիրառել վարչական պատասխանատվության միջոցներ։