ԵՐԵՎԱՆ, 23 հունվարի — Sputnik. Xiaomi ընկերության գլխավոր տնօրեն Լին Բինը չինական Weibo սոցցանցում ցույց է տվել ճկուն էկրանով ծալովի սմարթֆոնի տեսանյութը։
Հրապարակված տեսագրության մեջ նա սարքի էկրանին տեսահոլովակ է դիտում ուղղահայաց վիճակում։ Դրանից հետո Լին Բինը շրջում է հեռախոսն ու ծալում սմարթֆոնի կողքերը։ Հեռախոսի ինտերֆեյսը ավտոմատ հարմարվում է էկրանի ակտիվ հատվածին։
Գրառման մեջ Լին Բինը պարզաբանել է, որ նման էկրանով բջջային սարք ստեղծելիս ընկերության աշխատակիցները մի շարք տեխնիկական խնդիրների են բախվել` սկսած ճկուն ծածկից, վերջացրած MIUI ֆիրմային միջնակարի ադապտացիայով։
Դեռ հայտնի չէ, սմարթֆոնի գործարկման հստակ գինը, ինչպես նաև այն, թե որքան նա կարժենա։ Լին Բինն առաջարկել է օգտատերերին ընտրել ապագա սարքի անվանումը, նա դեմ է չէ այն կամ Xiaomi Dual Flex, կամ Xiaomi MIX Flex անվանել։
Ավելի վաղ հայտնի էր դարձել, որ ճկուն էկրան կարող են ունենալ Motorola RAZR թարմացված սմարթֆոնները։ Անցած տարվա վերջին Apple–ը նույնպես պատենտավորեց երկու կողմ ծալվող այֆոնի մոդելը։