Դպրոցի տնօրեն Չժան Պենֆեյը որոշել է պարի միջոցով պայքարել երեխաների ավելորդ քաշի և սակավաշարժության դեմ։ Ընդ որում` նա անձամբ է օրինակ ծառայում։ Տնօրենը շաֆլ ոճի պար է սովորել, իսկ հետո որոշել է սովորեցնել նաև աշակերտներին։
Հիմա տնօրենն ուսուցիչների և երեխաների հետ պարում է դասամիջոցներին։ Պարերի տեսանյութը մեծ արագությամբ տարածվել է համացանցում և քննարկման թեմա դարձել։ Մարդիկ գովում են տնօրենին ինքնատիպության համար և գրում, որ նա աշխարհի ամենալավ տնօրենն է։