ԵՐԵՎԱՆ, 22 հունվարի — Sputnik. Կինեմատոգրաֆիական արվեստների և գիտությունների ամերիկյան ակադեմիան հրապարակել է «Օսկար» մրցանակաբաշխության հավակնորդների ցանկը։
Բաղձալի արձանիկի համար հիմնական անվանակարգերում կպայքարեն.
«Լավագույն ռեժիսոր» անվանակարգում` Ալֆոնսո Կուարոնը, Յորգոս Լանթիմոսը, Սփայք Լին, Ադամ ՄքՔեյը, Պավել Պավլիկովսկին,
«Լավագույն ֆիլմ» անվանակարգում` «Սև հովազ», «Բոհեմյան ռապսոդիա», «Ֆավորիտը», «Կանաչ գիրքը», «Ռոմա», «Աստղի ծնունդը», «Փոխնախագահ» (Vice) ֆիլմերը,
«Լավագույն դերասանուհի» անվանակարգում` Յալիցա Ապարիսիոն, Գլեն Քլոսը, Օլիվիա Կոլմանը, Լեդի Գագան, Մելիսա ՄքՔարթնին,
«Լավագույն դերասան» անվանակարգում` Քրիստիան Բեյլը, Բրեդլի Կուպերը, Վիլեմ Դեֆոն, Ռամի Մալեքը, Վիգգո Մորտենսենը:
Կինոաշխարհի ամենահեղինակավոր մրցանակաբաշխությունը կկայանա փետրվարի 24-ին Հոլիվուդում: