ԵՐԵՎԱՆ, 22 հունվարի – Sputnik. Քանի դեռ Ղարաբաղի խնդիրը լուծված չէ, հնարավոր չէ կարգավորում Հայաստանի և Թուրքիայի հարաբերություններում:
Թուրքիայի Անթալիայի քաղաքում մասնակցելով ուսանողների հետ հանդիպմանը՝ այս մասին ասել է Թուրքիայի արտաքին գործերի նախարար Մևլութ Չավուշօղլուն։
Ինչպես տեղեկացնում է ermenihaber.am կայքը, Չավուշօղլուն խոսել է թուրք-ամերիկյան հարաբերությունների, ահաբեկչության դեմ պայքարի, ինչպես նաև Կովկասում տիրող իրավիճակի մասին։
«Գոյություն ունեցող որոշ խնդրիների կարգավորման համար պետք է նախաձեռնող լինել: Բավարար չէ միայն սեփական շահերը պաշտպանելը: Այսօր, երբ Ղարաբաղի խնդիրը լուծված չէ, հնարավոր չէ կայունություն Կովկասում և ոչ էլ կարգավորում Հայաստանի և Թուրքիայի հարաբերություններում: 2019-ին այս հարցերում ավելի հետևողական ենք լինելու»։
Չավուշօղլուն վերջում հայկական լոբբիին մեղադրել է «սև քարոզչություն» իրականացնելու մեջ։