ԵՐԵՎԱՆ, 20 հունվարի – Sputnik. Դամասկոսի ծայրամասում՝ հարավային օղակաձև ճանապարհին, պայթյուն է որոտացել: Այս մասին տեղեկացնում է SANA պետական տեղեկատվական գործակալությունը։
Նախնական տվյալների համաձայն՝ տեղի է ունեցել ահաբեկչություն:
Քաղաքի հարավային մաս գնացող ճանապարհները փակ են։
AP–ի հաղորդմամբ` պայթյունը, որը որոտացել է աշխատանքային շաբաթվա 1–ին օրը` պիկ ժամի, նախապես պլանավորված է եղել։
Իր հերթին Sky News արաբական ծառայությունը տեղեկացնում է, որ պայթել է ավտոմեքենա, որը լցված է եղել պայթուցիկներով։
Զոհերի և վիրավորների մասին տեղեկություններ չեն հաղորդվում: